Wabjenski blokowak – nastroj za personalizowane a fokusěrowane dožiwjenje přehladowanja.
W dźensnišim digitalnym swěće móže web žiwy a njeporjadny. Wabjenske blokowaki su mócne nastroje, kotrež wam kontrolu nad wašim dožiwjenjom přehladowanja dawaja a rozsud nad tym, štož so na wašej wobrazowce jewi.
Wabjenske blokowaki na dwě hłownej wašni funguja: zadźěwaja tomu, zo so na přikład wabjenje začita a blokuja wotrězki websydłow, kotrež te elementy hospoduja. To móže widejowe wabjenje, personalizowane wabjenje wobsahować, kotrež was po interneće slěduje a samo přesćěhowaki třećich poskićowarjow.
Wužiwanje wabjenskeho blokowaka je lochke. Wjele dowěry hódnych nastajenjow je jako přidatki wobhladowaka k dispoziciji, štož wosnadnja, zo rozrisanje namakaće, kotrež wašim potrěbnosćam wotpowěduje. Firefox na přikład lisćinu schwalenych rozšěrjenjow skići, kotrež su so wuwili, zo bychu waše dožiwjenje přehladowanja polěpšili a w jenakim času wašu priwatnosć respektowali.
Prawy wabjenski blokowak za sebje namakać
Je wjele nastroje za blokowanje wabjenja, kotrež móžeće wuslědźić, kóždy funkcije skići, kotrež so k rozdźělnym preferencam hodźa. Hač prawu za was namakaće, wot wašich přećow a zwučenosćow přehladowanja wotwisuje. Tu su někotre pokiwy, na kotrež wy měł dźiwać:
- Wabjenje blokować: Jeli jenož chceće wabjenje blokować, wubjerće jednoru a lochku móžnosć.
- Naležnosće priwatnosće: Jeli sej starosće wo přesćěhowakach činiće, pytajće za wabjenskim blokowakom ze zatwarjenymi funkcijemi priwatnosće.
- Přiměrjomnosć: Někotre wabjenske blokowaki drobne wothłosowanje zmóžnjeja, zo bychu wěste sydła do běłeje lisćiny přiwzali abo wěste elementy blokowali.
- Gratowa kompatibelnosć: Přemyslće, hač jón za desktop, mobilny grat abo wobaj trjebaće.
- Blokowanje škódneje software: Někotre wabjenske blokowaki přećiwo złóstnemu wabjenju škitaja (na př. AdGuard)
- Staršiska kontrola: Wužitna, jeli chceće njepřiměrjeny wobsah blokować.
Je wažnje přispomnić, zo so někotre websydła na wabjenje zepěraja, zo bychu wobsah začitali abo funkcionalnosć k dispoziciji stajili. Blokowanje wabjenja móže k tomu wjesć, zo so funkcije hižo njefunguja, na přikład wideja so njewothrawaja abo přizjewjenske móžnosće so nimokula. Wubjerće wabjenski blokowak, kotryž so prawidłownje aktualizuje a jeli měniće, zo jedyn wabjenski blokowak tójšto problemow zawinuje, wupruwujće druhi, zo byšće lěpšu runowahu mjez wukonom a kompatibelnosću namakał.
Polěpšena priwatnosć a polěpšeny wukon z Firefox
Nimo wabjenskich blokowakow Firefox zatwarjene funkcije wobsahuje, zo by wam samo wjetšu kontrolu nad wašim přehladowanjom dał. Tute nastroje pomhaja, wašu priwatnosć škitać, mjeztym zo wam zmóžnjeja, waše dožiwjenje přiměrić:
- Standardny modus: Wurunane nastajenje, kotrež zwučene přesćěhowaki blokuje, mjeztym zo so běžna funkcionalnosć websydła wobchowuje.
- Striktny modus: Idealny za wužiwarjow, kotřiž chcedźa mócniši škit priwatnosće přez blokowanje wjace přesćěhowakow a plackow. Dźiwajće na to, zo někotre sydła sej přiměrjenja w tutym modusu wužaduja.
- Swójski modus: Za tych, kotřiž chcedźa połnu kontrolu měć, swójski modus wam zmóžnja wubrać, štož so ma blokować, wot plackow do přesćěhowakow a wjace.
Zo byšće tute nastajenja přiměrił, klikńće na tarčowy symbol nalěwo wot adresoweho pola na někajkej webstronje a wubjerće „Škitne nastajenja“. To meni wočini, hdźež móžeće prawy škitny schodźenk za was wubrać.
Čehodla wabjenski blokowak wužiwać?
Wabjenske blokowaki wjace činja, hač wabjenje rjadować – móža wašu spěšnosć přehladowanja a wěstotu polěpšować, hdyž njetrěbny wobsah redukuja. Wukmanjeja was, přirězane webdožiwjenje bjez wotwjedźenja wutworić, kotrež wam zmóžnja, fokus na najwažniše stajić.
Wuslědźće sta přidatkow z fokusom na priwatnosć, kotrež su za Firefox k dispoziciji a namakajće prawe nastroje za sebje. Sćehńće Firefox dźensa, zo byšće wobhladowak dožiwił, kotryž je so dźiwajo na wašu priwatnosć a wukon wuwił.
