Dermotny zastojnik gronidłow

Firefox waše wužywaŕske mjenja a gronidła za pśistup k websedłam wěsće składujo, zapisujo je awtomatiski za was, gaž se pśiducy raz k websedłoju woglědujośo a zmóžnja wam, waše skłaźone pśizjawjenja z jogo zatwarjoneju funkciju za zastojanje gronidłow zastojaś.

Z dermotnym Konto Mozilla móžośo swóje gronidła wěsće ze wšymi rědami synchronizěrowaś. Maśo teke pśistup ku wšym drugim produktam Mozilla, kótarež priwatnosć respektěruju.

Awtomatiske wupołnjenje gronidłow za lažke pśizjawjenja

Firefox móžo wašo skłaźone wužywaŕske mě a gronidło awtomatiski zapisaś. Jolic maśo wěcej ako jadno pśizjawjenje za sedło, móžośo jadnorje konto wubraś, kótarež cośo a my bjerjomy jo wót tam.

Wobraz pśizjawjeńskego formulara websedła z Firefox, kótaryž někotare skłaźone konta pokazujo, kótarež móžośo wubraś, gaž se pśizjawjaśo.

Gronidła importěrowaś

Móžośo importowy asistent wužywaś, aby wužywaŕske mjenja a gronidła lažko (na magiski nałog) importěrował, kótarež su w Chrome, Edge, Safari abo drugich wobglědowakach skłaźone. Wubjeŕśo Gronidła z menija a klikniśo pón na „ je do Firefox importěrowaś“ dołojce na boku Pśizjawjenja a gronidła.

Wobraz dialoga importowego asistenta Firefox, kótaryž nastajenja za importěrowanje nastajenjow a datow z drugich wobglědowakow pokazujo.

Nigda wěcej wěcejrazne wužywanje wašych gronidłow

Dajśo Firefox mócne, jadnorazowe gronidło napóraś, za kužde pśizjawjenje, kótarež w interneśe wužywaśo – na toś ten nałog, jolic se jadno z wašych gronidłow pśez wěstotnu źěru wótekšywa, se jano toś to jadno konto wobwliwujo, druge konta nic.

Wobraz registrěrowańskego formulara websedła z Firefox, kótaryž mócne gronidło naraźujo, kótarež se awtomatiski za pśichodne wužywanje składujo.

Warnowanja wó wěstośe gronidłow

Firefox was warnujo, jolic jo se gronidło w datowej źěrje wótekšyło, aby mógał jo změniś, nježli až hackery móžnosć maju, take ako najmanje Lamba z wašeju kreditoweju kórtu cyniś.

Wobraz zastojnika gronidłow Firefox, kótaryž warnowańsku powěźeńku pokazujo, kótaraž „Toś to gronidło jo se južo wužyło za druge konto, kótarež jo nejskerjej było w datowej źěrje. Gaž pśizjawjeńske daty znowego wužywaśo, se wšykne waše konta riziko wustajaju. Změńśo toś to gronidło.“ zni.

Cyńśi wěcej z Firefox

Wobstarajśo se malsny, lažki wobglědowak z fokusom na priwatnosći, kótaryž se wót za wše wužytneje organizacije pódpěra a na wšych wašych rědach funkcioněrujo.